ئارد بە نرخی هەرزانتر بۆ نانەواخانە و سەمونخانەكان دابین دەكرێت

بڕیارە ئارد بۆ نانەواخانە و سەمونخانەكان بە هەرزانتر دابین بكرێت و بەهۆی ئەوەشەوە نرخی نان و سەمون داببەزێت.
لەو بارەیەوە سۆران عەبدولغەفور بەڕێوەبەری چاودێری و بازرگانی سلێمانی ئاشكرای كردووە، لە سلێمانی كۆمپانیایەكی ناوخۆیی هەفتەی رابردوو یەك فەردە ئاری بە نرخی 28 هەزار دینار بۆ نانەواخانەكان دابینكردووە.
ئاماژەی بەوەشداوە، چاوەڕوان دەكرێت هەمان كۆمپانیا لە هەفتەی داهاتووەوە ئارد بۆ سەمونخانەكان بە نرخی 28 هەزار دینار بۆ فەردەیەك دابین بكات، لە بازاڕ نرخی فەردەیەك ئاردی توركی 36 هەزار دینارە و لە رووی كوالێتییەوە بەرهەمەكەی زۆر گونجاوە.
بە وتەی بەڕێوەبەری چاودێری و بازرگانی سلێمانی، بەو هەنگاوە نرخی ئارد دابەزینی زیاتر بەخۆوە دەبینێت و ئەو كات دەتوانن كێشی نان و سەمون بە نانەواخانە و سەمونخانەكان زیاد بكەن.

Back to top button