ئینیستیتیوتا ئابوری ئەمریکی: مەسرور بارزانی بزیرەکانە کیانێ ھەرێما کوردستانێ پاراست

 

 

به‌رپرسا ئه‌نستیتیۆتا ئابووری ئه‌مریكی – كوردی راگه‌هاند، سیاسه‌تا په‌ترۆلا سه‌ربخوه‌ یا هه‌رێما كوردستانێ گه‌له‌ك یا گرنگه‌ و سه‌رۆكێ حوكمه‌تا هه‌رێما كوردستانێ ژی رۆله‌كێ گرنگ د رێككه‌فتنا به‌غدا و هه‌ولێرێ دا هه‌بوو و شیا بزیرەکانە کیانێ ھەرێما کوردستانێ بـ پارێزیت.

تارا شوان، به‌رپرسا ئه‌نستیتیۆتا ئابووری ئه‌مریكی – كوردی گۆت” رۆلێ مه‌سرور بارزانی، سه‌رۆكێ حوكمه‌تا هه‌رێما كوردستانێ به‌ری رێككه‌فتنێ ل گه‌ل به‌غدا و ل ده‌مێ رێككه‌فتنێ ژی ل سه‌ر پشكا بودجا هه‌رێما كوردستانێ، گه‌له‌ك یا گرنگ و پۆزه‌تیڤ بوو”.

تارا شوان ب ئاماژه‌كرن ب وێ چه‌ندێ كو (گه‌له‌ك كه‌س هه‌بوون) داخواز دكر هه‌ولێری دۆسیا په‌ترۆلێ راده‌ستی به‌غدا بكه‌ت، كو داخوازه‌كا دستووری نینه‌، ئه‌گه‌ر ئه‌و چه‌نده‌ هاتبا كرن، هیچ گرنگیه‌ك بۆ كیانێ هه‌رێما كوردستانێ نه‌دما.

سه‌باره‌ت سیاسه‌تا سه‌ربخوه‌یا په‌ترۆلێ، كو حوكمه‌تا هه‌رێما كوردستانێ كاری بۆ دكه‌ت و د قانوونا بودجا گشتی یا عیراقێ ژی دا هاته‌ چه‌سپاندن، به‌رپرسا ئه‌نستیتیۆتا ئابووری ئه‌مریكی – كوردی، گۆت” په‌ترۆل كه‌لوپه‌له‌كێ نێڤده‌وله‌تیه‌ و د هه‌موو سێكته‌ره‌كی دا دێ رۆل هه‌بیت، هه‌بوونا سیاسه‌تا سه‌ربخوه‌یا په‌ترۆلێ گه‌له‌ك یا گرنگه‌، ژ به‌ركو چه‌ند دۆسیا په‌ترۆلا هه‌رێما كوردستانێ یا باش بیت، دێ پێگه‌هێ هه‌رێما كوردستانێ یێ ب هێزتر بیت”.

تارایێ رێككه‌فتنا حوكمه‌تا هه‌رێما كوردستانێ و حوكمه‌تا عیراقێ ل دۆر بودجه‌ی ب رێككه‌فتنه‌كا هه‌ڤسه‌نگ و دستووری هژمارت و گۆت” وێ رێككه‌فتنێ هه‌موو ئه‌و بۆچوون ره‌تكرن یێن دگۆتن كو حوكمه‌تا هه‌رێما كوردستانێ ناخوازیت رێك بكه‌ڤیت”.

گۆت ژی” په‌سه‌ندكرنا پرۆژێ قانوونا بودجا گشتی یا عیراقێ ب پشكا بودجا هه‌رێمێ ڤه‌، كو مه‌سرور بارزانی رۆله‌كێ كاریگه‌ر د په‌سه‌ندكرنێ دا هه‌بوو و ئه‌مریكی ژی ب ڤێ گاڤێ د دلخوه‌ش بوون، گه‌له‌ك یا گرنگه‌”.

ل دۆر كارێن كابینا نه‌هێ یا حوكمه‌تا هه‌رێما كوردستانێ، تارا شوان گۆت” كابینا نه‌هێ و سه‌ره‌رای هه‌بوونا چه‌ندین ئاسته‌نگان وه‌كو په‌تایا كورۆنایێ و هاتنا خوار یا بهایێ په‌ترۆلێ، شیایه‌ كارێن گه‌له‌ك باش ئه‌نجام بده‌ت و ب رێیا قانوونا چاكسازیێ ڤه‌ دشێت چاره‌سه‌ریا پتریا كێشان بكه‌ت و پشت به‌ستنێ ب خوه‌ بكه‌ت”.

لسەر ئەڤێ چەندێ ، چاڤدێرێن سیاسی ئاشکەرا دکەن کو مەترسیەک مەزن لسەر کیانێ ھەرێما کوردستانێ ھەبویە کو ژلایێ ھندەک ئالیێت شیعە بـھەفکاریا ھندەک کەس و ئالیێن کوردی دھات ڕێڤەبرنێ ، لێ سەروکێ حکمەتا ھەرێما کوردستانێ شیا بزیرەکانە و بدیر بینین ، ئەڤی کیانی بپارێزیت و لدیماھیکێدا پیلانێت نەحەزان ژناڤ ببەت.

Back to top button