ئەفسەرێکی دەستەی دەروازە سنوریەکانی عێڕاق ئێن ئاڕتی ومیدیاکانی لاهور جەنگی بەدرۆ دەخاتەوە

 

گۆڤەند سەرکەش-خۆر

ئەفسەرێکی دەستەی دەروازە سنوریەکانی عێڕاق لەبارەی دەروازە سنوریەکانی هەرێمی کوردستان چەند نهێنیەکان ئاشکرا دەکات .

ئەفسەرێکی پلەباڵای عێڕاقی لە دەستەی دەروازە سنوریەکان بەناوی ( عەمید سالار عەبدوڵا ) چەند زانیاریەک سەبارەت بە کۆنتڕۆڵکردنەوەی دەزروازە سنوریەکانی عێڕاق بۆ میدیاکان دەخاتە ڕوو ، سەبارەت بە دەروازە سنوریەکانی هەرێمی کوردستان پڕوپاگەندەی هەندێک میدیای کوردی ڕەت دەکاتەوە و ڕادەگەیەنێت ” ئەو هەواڵانەی باس لەوە دەكەن كە بەغداد بەهێزی سەربازی دەروازە سنوریەكانی هەرێم بگرێتەوە ئەوە دوورە لە راستیەوە بەڵكو گفتوگۆكان زۆر بە باشی بەرێوەدەچن “.
هەروەها سەبارەت بەو هەواڵانەی کە (ئێن ئاڕتیی) زمانحاڵی شاسوار عەبدول واحید و میدیاکانی سەر بەباڵی خیانەتکاری لاهور جەنگی نیوە سەرۆکی یەکێتی سەبارەت بەهاتنی هێز بۆ دەروازە سنوریەکانی هەرێمی کوردستان گشتیان بەدرۆ دەخاتەوە و ڕادەگەیەنێت ” هەواڵی هاتنی هێزی سەربازی عێراقی بۆ دەروازە سنوریەكانی هەرێمی كوردستان دوورە لە راستیەوە وە حكومەتی عێراقی بەهیچ شێوەیەك بیری لەو بابەتە نەكردۆتەوە ” ، جگە لەمەش پێشتریش گوتە بێژی دەروازەی سنوری ئیبراهیم خەلیل ڕای گەیاندبوو کە هیچ هێزێک نەهاتووەتە ئەو دەروازەیە و گشت ئەو هەواڵانەی ڕەت کردبووەوە کە باس لە هاتنی هێز دەکەن.

بەپێی ئەو زانیاریانەی دەست (( خۆر )) کەوتون سەبارەت بە دەروازە سنوریەکان ، دەروازەکان بەشێكن لە گفتوگۆی نێوان شاندی هەرێمی کوردستان و شاندی بەغدا و حکوومەتی عێڕاق داوای ٪٥٠ی داهاتی دەروازە سنوریەکانی کردوە و حکوومەتی هەرێمی کوردستانیش ڕەزامەندی خۆی دەربڕیوە لەسەر ئەم پرسە ، هەر بە پێی زانیاریەکان دەروازە سنوریەکان لەناو گفتوگۆکاندا ڕێکەوتن لەسەری کراوە و هیچ کێشەیەک لەنێوان هەردوو لادا نەماوە لەسەر پرسی دەروازە سنوریەکان.

Back to top button