ئەمریکا هۆشداری دەداتە پەکەکە شنگال چۆڵ بکات

ویلایەتە یەکگرتووەکانی ئەمریکا هۆشداری داوەتە پەکەکە بەپەلە شنگال چۆڵ بکات.

بەپێی زانیاریەکانی میدیای تورکیا، ئەمریکا دوا هۆشداری داوەتە پەکەکە شنگال چۆڵ بکات و رێگە بە گەڕانەوەی ئاوارە ئێزیدیەکان بدات بچنەوە سەر ماڵ و ژیانی خۆیان.

لەمبارەوە، نەریمان عوسمان چاوێری سیاسی، بۆ ((خۆر))، گووتی ”پەکەکە بووەتە بەڵا بۆ هەر چوار پارچەی کوردستان، بەتایبەتی هەرێمی کوردستان، گرنگە بەرلەوەی تورکیا بهێنێتە شنگال و ناوچەکە رادەست بە تورکیا بکات وەکو عەفرین، ئەو هێزە لەو ناوچەیە دەربکرێت، هیوادارین ئەمریکا بە هێز ئەو چەکدارانەی پەکەکە لە شنگال دەربکات و ژیان بۆ کوردانی ئێزیدی بگەڕێنێتەوە کە بگەڕێنەوە سەر ماڵ و ژیانی خۆیان“.

Back to top button