بۆ تاقمە خۆفرۆشەكەی نیو سەرۆك: بكوژی كچە ئەندازیارەكەی وەزارەتی كارەبا گیرا، ئادەی فەرموون ئێوەش ئەو تاوانبارانە دەستگیر بكەن

دوێنێ دووشەممە ٢٩ی ئاداری ٢٠٢١، لە نێو گەراجی وەزارەتی كارەبا لە شاری هەولێر، كوڕێك بە دوو فیشەك كچە ئەندازیارێكی كوشت، رووداوەكە كۆمەڵایەتی بوو، كەچی عەبدولناسڕ ئەحمەد، پەرلەمانتاری سەر بە تاقمە خۆفرۆشەكەی لاهوور جەنگی لە نێو یەكێتی، ئەم دۆسیەیەی كرد بە سیاسی.

باشە هەر دوێنێ و دوای كەمتر لە كاتژمێرێك، بكوژی كچە ئەندازیارەكە دەستگیر كرا، ئادەی پێمان بڵێن ئێوە چیتان بەرامبەر ئەو تاوانبارانە كرد؟

– كوڕەكەی قادر عەزیز و چەكدارەكانی كە لە نێو سلێمانی ٢٠٠ فیشەكی نا بە ماڵی ئەفسەرێكی پۆلیسی بەرگری و فریاكەوتنی شارەكەوە.

– ئەو كەسانەی مستەفا سەلیمیی لێقەوماویان رادەستی ئێران كردەوە و لەسێدارە درا؟

– ئەو كەسانەی ئامانج بابانی و هاوسەر و منداڵەكەیان لە نێو سلێمانی كوشت و دواتر گوتیان ئامانج خۆی ئەو تاوانەی ئەنجام داوە؟ 

– ئەو چەکدارانەی پەلاماری چێشتخانەیەکی ناسراوی سلێمانییان دا؟

– ئەو كەسانەی لە خەتی ئاسایشی گومرگەكان و خاڵە سنوورییەكانی سلێمانی بە بەهای سەدان ملیۆن دۆلاری مانگانە قاچاخی بۆ بەرژەوەندیی نیو سەرۆك دەكەن؟

– ئەو كەسانەی ماددەی زیانبەخش تێكەڵی بەنزین دەكەن و خەڵكی سلێمانی تووشی شێرپەنجە دەكەن؟

– ئەوانەی دار سنۆبەرەكانی تاسڵووجەیان سووتاند بۆ ئەوەی زەوییەكان داگیر بكەن و بیكەنە پرۆژەی بازرگانی؟

– ئەوانەی نەخشەی گەڕەكێكی گەورەیان لە تەنیشت بەكرەجۆی سلێمانی بە ناوی دژە تیرۆری یەكێتییەوە دروست كردووە و هەزاران پارچە زەوییان فرۆشتۆتەوە؟

– ئەوانەی كاوە گەرمیانییان لەباوەشی دایكیدا گوللەباران كرد و شەهید كرد؟

– ئەو پیاوانەی نیو سەرۆك كە تەقەیان لە خۆپیشاندەرانی سلێمانی كرد؟

– ئەوانەی لە نێو زیندانی ئاسایشی سلێمانی زانای قایمقامیان كوشت؟

– دەیان كەیسی دیكەی قێزەون و جۆراوجۆر كە لە سایەی تاقمە خۆفرۆشەكەوە لە سلێمانی ئەنجام دراون.

كەواتە با سەرەتا یەكێتی و تاقمە خۆفرۆشەكە و پەرلەمانتارانیان ئەم كەیسانە لە سلێمانی یەكلا بكەنەوە، ئینجا ڕووداوی كۆمەڵایەتیی هەولێر، وەك كوشتنی كچە ئەندازیارەكەی وەزارەتی كارەبا یان تەقەكردنی چەند كەسێك لە سەروپێخانەیەك بە سیاسی بكەن كە لە سەرجەم رووداوەكانی هەولێردا تاوانبارەكان دەستگیر كراون.

Back to top button