بۆ هەڵبژاردنی پەرلەمانی کوردستان دەست بە ئامادەکاری دەکرێت

بەرپرسی ئۆفیسی دهۆکی کۆمسیۆنی باڵای سەربەخۆی هەڵبژاردنەکانی عێراق گوتی: بڕیارە لەم رۆژانە لە کۆمسیۆنەوە ڕێنماییمان بەدەست بگات و دەست بە ئامادەکاری بکەین بۆ ئەنجامدانی هەڵبژاردنی پەرلەمانی کوردستان لەو وادەیەی بۆی دیاری کراوە، ئەنجامدانی هەلبژاردنیش یەک بازنەیی دەبێت.

خالید عەباس، بەرپرسی ئۆفیسی دهۆکی کۆمسیۆنی باڵای سەربەخۆی هەڵبژاردنەکانی عێراق، ڕایگەیاند، ئامادەکاری بۆ هەلبژاردنی پەرلەمانی کوردستان دەستپێدەکات و بڕیارە لەم ڕۆژانە لە کۆمسیۆنەوە ڕێنماییمان پێبگات و دەست بکەین بە ئامادەکاریەکان بۆ ئەوەی هەڵبژاردنی پەرلەمانی کوردستان لە کاتی خۆیدا ئەنجام بدرێت،  لەوانە لیست، هاوپەیمانی و کاندیدەکان دەتوانن خۆیان تۆمار بکەن.
خالید عەباس گوتیشی: کە رێنماییمان بەدەست گەیشت دەست بە ئامادەکاریەکان دەکەین، شێوازی هەڵبژاردنیش بەپێی یاسای هەڵبژاردنەکان یەک بازنەیی دەبێت، بەڵام ئەنجامدانی هەڵبژاردن ئەلکترۆنی و بەشێوەی بایۆمەتری دەبێت، بۆیە دوای 10ی ئەم مانگە لە کۆمسیۆنی باڵای سەربەخۆی هەڵبژاردنەکانی عێراقەوە ڕێنماییەکانمان بەدەست دەگات.

Back to top button