بەیاننامەی ١١ ئازار وەچەرخانێکی مێژوویی

هاوار عبدولفتاح

بەیاننامەی ١١ ئازار وەچەرخانێکی مێژوویی

رێکەوتنامەی ١١ ئازاری سالی ١٩٧٠ لە نێوان پارتی دیموکراتی کوردستان و حزبی بەعس بە سەرۆکاتی جەنابی بارزانی نەمر واژوو کرا ، هەلبەتە رێکەوتنامەی ١١ ئازار لە چەندین بڕگەو خالی گرینگ پێکهاتبوون،ئەو خالانە هەموویان وەك دۆکۆمێنتێکی گرنگ سەیر دەکران، بۆ چەسپاندنی مافەکانی گەلی کورد، گرنگی ئەم ڕێکەوتنامە لەوە دابوو یەکەمین جا بوو عیراق دان بەمافەکانی گەلی کورد بنێت ، ئەمەیش بەڕابەراتی بارزانی نەمر کە سەرکردایەتی شۆڕشی ئەیلوولی کرد لە باشوری کوردستان ، بەهێزی شۆڕش وای لە حزبی بەعس کرد دان بە مافەکانی کورد دا بنێ و ئۆتۆنۆمی بە گەلی کورد بدات، بەلام بەبێ ئەوەی ناوچەکانی شەنگال و خانەقین و کەرکوك بگرێتەوە تاك لایەنە بڕیاری دا، ئەمەش ناڕەزایەتی کوردی لێ کەوتەوە، حکومەتی ئەوکاتی عیراق بەوەش نەوەستا ، بەردەوام بوو لە پیلانگێری دژی کورد، تا لە سالی ١٩٧٥ رێکەوتنامەی جەزائیری لەگەل شای ئێران واژوو کرد ، بەمەیش ١١ ئازار کۆتایی هات ، مێژوو نوسان و نوسەران بە گرنگیەکی زۆرەوە لەم رێکەوتنامەیە دەڕوانن،وە بەدەستکەوتێکی گرنگی دەزانن، هەلبەت هەموو سالێك بەیاننامەی ١١ ئازار بەرز رادەگرین ، بۆ ئەوەی بتوانین کچ و کوڕەکانمان ئاشنای مێژووی پڕ لە سەروەری شۆڕشەکانی کورد بە سەرکردایەتی بارزانی نەمر دا بکەین ، هەموو ئەو ئازار و نەهامەتیانەی کورد لەم سەردەمەدا کێشاویەتی بتوانین بۆ نەوەکانی ئێستاو داهاتوو ڕونی بکەینەوە،گرنگە بتوانین لاوەکانمان ئاشنای شۆڕشەکانی کوردستان بکەین وایان لێ بکەین هەست بە بەرپرسیارەتی بکەن و خۆیان بەخاوەنی هەر بستێکی خاك و لات بزانن با تێبگەن ئەم دەستکەوتانەی ئێستا بەدی هاتوون بە قسەیەك و دوو قسە و شەوێك و دوو شەو بەدی نەهاتوون، بەلکو بە قوربانیدانێکی زۆر و چەندین سال خەبات و تێکۆشانی بێ وچان بەدی هاوتوە،
ئێمەی لاوی ئێستا بەلێن دەدەین هاو رێگا بین هەتا قەترەیەك خوێن لە لەشماندا مابێ بەرگری لەم دەستکەوتانەبکەین بەرداوام بین لە سەر رێبازی بارزانی و کوردایەتی.

 

هاوار عبدولفتاح

چالاکوانی مەدەنی

 

Back to top button