جۆ بایدن: سەرسامم بە بەخشینی سەرفیترە

جۆ بایدن سەرۆكی ئەمریكا بەبۆنەی جەژنی رەمەزانەوە پەیامێكی پیرۆزبایی ئاڕاستەی موسڵمانانی ئەمریكاو جیهان كرد.
لە پەیامێكدا بایدن باسی لەوە كردووە كە سەرسامبوە بە بەخشندەیی موسڵمانان بەتایبەت لە بەخشینی زەكاتی سەرفیترەدا بۆ دابینكردنی خواردن و پێداویستی بۆ كەسانی كەمدەرامەت و نوسیویەتی: پیرۆزبایی جەژن دەكەین، هیوامان باشی هەموو موسوڵمانانی وڵاتەكەمان و جیهانە، جەژنی رەمەزان كۆتایی مانگێكی پیرۆزی تایبەت بە خێر كردن و تێڕامانە كە وەبیرهێنەرەوەی ئەو موسڵمانانەیە كە لە هەموو لایەكی جیهان بەدەست پێكادان، گەندەڵی، برسێتی و نەخۆشییەوە دەناڵێنن یاخود بەوهۆیانەوە ناچار بە بەجێهێشتنی ماڵوحاڵیان بون.
بایدن جەختیكردوەتەوە كە حكومەتی وڵاتەكەی سورە لەسەر دژایەتیكردنی ئیسلامۆفۆبیاو هەموو جۆرە تاوانێكی رق و كینەو دوبارە خۆیان تەرخان دەكەنەوە بۆ بنیاتنانی ئاشتی و خەباتكردن لە پێناو ماف و شكۆی هەموو مرۆڤەكان.

Back to top button