زیاتر لە 17 هەزار خێزان فۆرمی وەرگرتنی یەکەی نیشتەجێبونیان پرکردووەتەوە

وەزارەتی ئاوەدانکردنەوە و نیشتەجێکردن بڵاویکردەوە،ژمارەی ئەو خێزانانەی فۆرمی وەرگرتنی یەکەی نیشتەجێبونیان پرکردوەتەوە گەیشتوەتە ١٧.٩٥٤ فۆرم، ئەوەش لە ماوەی نزیکەی مانگێکدا.

رۆژی سێشەممە ٨/٨/٢٠٢٣، دانا عەبدولکەریم، وەزیری ئاوەدانکردنەوەو نیشتەجێکردن، لە رێورەسمێکدا پرۆسەی دابەشکردنی فۆرمی یەکەی نیشتەجێبون و کاراکردنی فۆرمەکەی بەشێوەی ئۆنلاین، بۆ ھاووڵاتیانی کەمدەرامەت راگەیاند.

پڕکردنەوەی فۆرمەکە تاوەکو رۆژی 1/12/2023 بەردەوام دەبێت و هەر خێزانێكیش بەناردنی داواکاریەکەی لەڕێی ئەژماری تایبەت بەخۆی بەردەوام تا بەردەست بوونی سیستمی ناوبراو دەسەڵاتی پیاداچونەوەی زانیاریەکانی هەیە. هەر لەڕێی ئەو ئەژمارەشەوە توانای وەرگرتنەوەی ئەنجامەکانی هەیە.

 

Back to top button