سه‌رۆكی حکومەت پێشوازى له‌ شاندێكى باڵای نەتەوە یەکگرتووەکان دەکات

مەسرور بارزانى، سه‌رۆكى حکومەتی هه‌رێمى كوردستان، پێشوازى له‌ شاندێكى باڵای نه‌ته‌وه‌ یه‌كگرتووه‌كان (UN )به‌ سه‌رۆكایه‌تیى عه‌بدوڵڵا ده‌رده‌رى، یاریده‌رده‌رى سكرتێرى گشتیى نه‌ته‌وه‌ یه‌كگرتووه‌كان و به‌ڕێوه‌به‌رى هه‌رێمیى بەرنامەی نەتەوە یەکگرتووەکان بۆ پەرەپێدان (UNDP ) تایبەت بە وڵاتانى عه‌ره‌بى كرد.

له‌ دیدارەکەدا یاریده‌رده‌رى سكرتێرى گشتیى نه‌ته‌وه‌ یه‌كگرتووه‌كان، کورتەیەکی دەربارەی کار و چالاکییەکانیان و ئامانجی سەردانەکەیان بۆ عێراق و هەرێمی کوردستان خستەڕوو کە مەبەستیان یارمه‌تیدانە له بواری‌ هه‌جۆركردنى ئابووری و سه‌رچاوه‌كانى داهات و ڕووبەڕووبوونەوەی کاریگەرییە نەرێنییەکانی گۆڕانی کەش و هەوا.

سەرۆکی حکومەت ئاماژەی بە چاکسازییەکانی کابینەی نۆیەم لە ڕووی هەمووجۆرکردنی ئابووری و بەدیجیتەڵکردنی خزمەتگوزارییەکان و کاراکردنی سیستەمی بانکی و ئاسانکاریکردن بۆ وەبەرهێنەرانی ناوخۆ و دەرەوە کرد.

هەروەها باس لە گرنگیی پاراستنی سامانی ئاو و دروستکردنی بەنداوەکان کرا.

Back to top button