سەرۆک بارزانی داواکاری خەڵکی قەزای بەردەڕەشی پەسەندکرد

بەرپرسی لقی نۆی پارتی دیموکراتی کوردستان گوتی: سەرۆک بارزانی لە کۆتا سەردانیدا بۆ سنووری پارێزگای دهۆک سەردانی قەزای بەردەڕەشی کرد و لەگەڵ خەڵکی ئەو قەزایە کۆبووەوە و داواکارییەکانیانی پەسەندکرد.

دکتۆر مەردان خدر ، ڕایگەیاند: زۆر سوپاس بۆ سەرۆک بارزانی لە دواین سەردانی بۆ پارێزگای دهۆک سەردانی قەزای بەردەڕەشی کرد و لەگەڵ نوێنەری هەموو چین و توێژەکان کۆبووەوە و داواکاری و گلەیی خەڵک گەییشتە لای سەرۆک بارزانی، دڵنیام ئەو سەردانە دەبێتە فاکتەرێک بۆ زیاتر خزمەتکردنی خەڵکی دەڤەرەکە و پڕۆژەی زیاتر ئەنجام دەدرێت، وەکو تەواوکردنی ئەو پڕۆژانەی لە کابینەی نۆیەم ئەنجامدراون گرنگییەکی تایبەتی هەبووە بۆ ئەو قەزایە.

بەرپرسی لقی نۆی پارتی دیموکراتی کوردستان گوتیشی: ئێستا بە گوژمەی 100ملیار دینار پڕۆژە لەو ناوچەیە ئیحالە کراوە و لەچەند رۆژی داهاتوودا جێبەجێ دەکرێن، بۆیە ئەوسەردانە دەبێتە فاکتەرێک بۆ زیاتر خزمەتکردنی خەڵکی قەزای بەردەڕەش،  سەرۆک بارزانی بڕیاری دا هۆڵێکی بۆنەکان لە بەردەڕەش دروست بکرێت، پشتگیری خۆیشی نیشاندا بۆ ئەوەی خزمەتی زیاتری دەڤەرەکە بکرێت.

Back to top button