شارەزایەكی كەشناسی هۆشداری لە دروستبوونی لافاو لە چەند ناوچەیەك دەدات

شارەزایەكی كەشناسی رایگەیاند، لە مانگی داهاتودا مەترسی لافاو لە گەرمیان و كەركوك و هەولێر و دەشتاییەكانی سنوری كۆیە و تەقتەق هەیە، داواش دەكات لە ئێستاوە ئامادەكاری لەو ناوچانە بكرێت.
شاڵاو هیدایەت شارەزای كەشناسی لە راگەیاندراوێكدا ئاشكرایكردووە، لە مانگی 3 و 4 و 5ی ئەمساڵ ئەگەرەكانی لافاو لەسەر تەواوی ئەو ناوچانە كراوەیە كە مەترسی لافاویان لێدەكرێت، بەتایبەت لە گەرمیان و كەركوك و هەولێر دەشتاییەكانی سنوری كۆیە و تەقتەق مەترسی زیاتریان لەسەر دەبێت، بە پێویستی دەزانێت لە ئێستاوە ئامادەكاری بكرێت.
ئاماژەی بەوەشكردووە، بەهۆی ئەو شێیە زۆرەی لەمانگەكانی داهاتودا لەسەر ناوچەكە دەبێت لەگەڵ هەوای سارد و هەوری زەبەلاحی كەڵەكەبوو، سۆپەر سێل دەڕەخسێنێت، لە هەمانكاتدا وادەكات دەریای ناوەڕاست و سوریش شەپۆلی بەهێز بنێرن بۆ ناوچەكە، بەیەكگرتنی شەپۆلەكانی هەردوو دەریاكە زۆربەی كات شەپۆلی بەهێزی سەرتاسەری دابارین دروست دەبێت.
ئەو شارەزا كەشناسییە وتوشیەتی، بەهۆی زۆری شێ و گۆڕانی شێوازی دابارینەكان زۆرینەی بارانەكان بەخوڕ دەبن لە مانگەكانی داهاتوو، بەمەش مەترسیەكانی لافاو دوو هێندە بۆ سێ هێندەی ساڵی رابردو زیاتر دەبن.

Back to top button