شارەزایەکی کەشناسی: ئەمساڵ بارانێکی زۆر دەبارێت و ساڵێکی تەواو نموونەیی دەبێت

شارەزایەکی کەشناسی دەڵێت: بۆ ئەمساڵ پێشبینیمان وایە لەتەواوی وەرزەکانی بارانبارین ھەر لە پایز تا کۆتای بەھاری ٢٠٢٤ بارانێکی زۆر ببارێت ساڵێکی تەواو و نمونەیی بێت.

ئاراس جەبار، شارەزای کەشناسی بڵاویکردووەتەوە، گەرمبوونی رووی زەریا و دەریاکان بە جیاوازی نێوان ئێڵ نینۆی ساڵی ١٩٩٧ و ٢٠٢٣، لە پەرەسەندنی ئێڵ نینۆی ھاوینی ١٩٩٧ تەنھا ئاوەکانی رووی ناوچەکانی نینۆی زەریای ھێمن لەسەروو مامناوەندی ١٩٩١ – ٢٠٢٠ بووە بەڵام لە پەرەسەندنی ئێڵ نینۆی ھاوینی ٢٠٢٣ ی ئەمساڵ زۆرینەی رووی دەریا و زەریاکانی ھەسارەکەمان بەرێژەیەکی بەرچاو لەسەروو نۆرماڵ گەرمبوون ، ھاوکات وەرزی بارانبارینی ١٩٩٧ بۆ ١٩٩٨ لەتەواوی ناوچەکانی ھەرێمی کوردستان زۆر باشبووە لەسەروو نۆرماڵ بارانبارین ھەبووە .

ئەو شارەزایەی کەشناسی دەشڵێت:” بۆ ئەمساڵ پێشبینیمان وایە لەتەواوی وەرزەکانی بارانبارین ھەر لە پایز تا کۆتایی بەھاری ٢٠٢٤ بارانێکی زۆر ببارێت ساڵێکی تەواو و نمونەیی بێت بەبێ جیاوازی ناوچەکان و ساڵی بوژانەوەی سەرچاوەکانی ئاوی ژێر زەوی و سەر زەوی ئەبێت کە ماوەی سێ ساڵە بەھۆی وشکە ساڵی و کەمی بەفر و بارانبارینەوە بەرێژەیەکی بەرچاو وشکە ساڵی کاریگەریەکانی بەخراپی لەسەر ناوچەکە جێھێشتووە.

Back to top button