عەلی حەمەساڵح دزییەكی گەورەی دەسەڵاتدارانی سلێمانی ئاشكرا دەكات و دادگای سلێمانیش دۆسیەكەی بۆ داخستوون

عەلی حەمەساڵح، پەرلەمانتاری گۆڕان رای گەیاند، ساڵی ٢٠١٣ بڕی ٣٦٨ ملیار دینار بۆ پڕۆژەكانی سلێمانی تەرخان كرا، بەڵام پارەكە لە پڕۆژەكانی سلێمانیدا خەرج نەكرا، جگە لەوەی ٥٤ ملیار دیناریشی بە تەواوی دیار نەما و كەس نازانێت پارەكە چی بەسەر هات!

ڕوونیشی كردەوە كە ئەو پارەیەی لەو ساڵەدا بۆ پڕۆژەكانی سلێمانی خەرج كراوە، ١٩٢ ملیار دینار بووە كە هیچ پڕۆژەیەكی ئەوتۆی پێ نەكراوە. 

هەرچەندە سەرجەم بەڵگەكانیشیان رادەستی دادگای سلێمانی كردووە، بەڵام “ئەنجام ئەم دۆسیەیە بەبێ ھیچ دانیشتنێكی دادگا و بە بڕیاری سیاسی داخرا، تەنانەت دواتر زانیم دوو دادوەر کە دژی ئەم داخستنە بوون، گواسترانەوە”. 

ئەو پارەی لە پرۆژەكانی سلێمانی دزرا، دەبوایە بکرێتە چەندین قوتابخانە و نەخۆشخانە و پرۆژەی ڕێگاوبان بۆ شارەكە و قەزاکانی، كەچی دەسەڵاتدارانی شار دزییان و دادگای سلێمانیش هیچی بۆ نەكردن!

ئەرێ خێرە ئۆباڵی ئاوەداننەبوونەوەی سلێمانی بەردەوام دەخرێتە ئەستۆی حكوومەتی هەرێمی كوردستان لە كاتێكدا حكوومەت پارەی بۆ شارەكە خەرج كردووە و دەستە و تاقمی جۆراوجۆر پارەكەیان خواردووە؟!

Back to top button