كەسانی سەر بە تاقمەكەی لاهوور جەنگی لە چەمچەماڵ لە ژێر هەڕەشەدا پارە لە كاسبكارانی چەمچەماڵ وەردەگرن

چەند كەسێك كە خۆیان بە پیاوی لاهوور جەنگی دەناسێنن و ناسنامەی دۆستانی لاهووریشیان لە گیرفان دایە، بە خاوە و لە ژێر هەڕەشەدا پارە لە كاسبكارانی چەمچەماڵ وەردەگرن و هەر كەسێكیش پارەیان پێ نەدات، لە پەناوە زیانی پێ دەگەیەنن.

لەم ماوەیەدا ئەم دیاردەیە هێندە زۆر بووە، رۆژی پێنجشەممە ٢٥ی ئاداری ٢٠٢١، ڕەمەك ڕەمەزان، قایمقامی چەمچەماڵ بە ئاشكرا رای گەیاندووە كە ئەو باندە تەلەفۆن بۆ كاسبكارانی چەمچەماڵ دەكەن، فشاریان لێ دەكەن بەبێ هیچ هۆكارێك پارەیان پێ بدەن.

هەرچەندە قایمقامی چەمچەماڵ نەیوێراوە دان بەوەدا بنێت كە ئەو باندە پیاوانی لاهوور جەنگین، بەڵام بەهۆی ئەوەی هێزە ئەمنییەكانی چەمچەماڵ و سلێمانی تا ئێستا هیچ هەنگاوێكیان بۆ ڕێگە لێگرتنیان نەناوە، كاسبكاران دەڵێن پیاوانی لاهوور جەنگی ئەم كارە دەكەن و هیچ حیسابێكیش بۆ قانون و ئیدارەی چەمچەماڵ و هێزە ئەمنییەكان ناكەن.

Back to top button