لەسایەی نیو سەرۆكەوە سایتی فەرمیی یەكێتی هەواڵی مووچەش بەدرۆ بڵاو دەكاتەوە

(( خۆر ))

لە سایەی باڵادەستیی نیو سەرۆكی یەكێتیی نیشتمانیی كوردستان بەسەر میدیای فەرمیی حزبەكەدا، بە شێوەیەكی بەردەوام زانیاریی درۆ و ناڕاست بڵاو دەكرێتەوە تەنانەت لەبارەی دابەشكردنی مووچەشەوە!

پاش ئەوەی ڕۆژی سێشەممە ١٦ی ئاداری ٢٠٢١، د. جووتیار عادل، گوتەبێژی فەرمیی حكوومەتی هەرێمی كوردستان لە راگەیاندراوێكدا ڕۆژانی پشووی فەرمیی جەژنی نەورۆزی راگەیاند، ماڵپەڕی فەرمیی یەكێتیی نیشتمانیی كوردستان هەواڵێكی بڵاو كردەوە كە هەمان ئەو هەواڵەبوو كە میدیای خیانەتكارانی ١٦ی ئۆكتۆبەر بڵاویان كردۆتەوە و تێیدا بانگەشەی دواكەوتنی مووچەی فەرمانبەرانی كرد.

بەپێی هەواڵەكەی میدیای فەرمیی یەكێتی، لەبەر ئەوەی حكوومەت ڕۆژانی ٢١ تا ٢٥ی ئاداری ٢٠٢١ی كردۆتە پشووی فەرمی، دابەشكردنی مووچەی فەرمانبەرانی هەرێمی كوردستان دوادەكەوێت.

چەند كاتژمێرێك دوای ئەم هەواڵە، وەزارەتی دارایی و ئابووریی حكوومەتی هەرێمی كوردستان بە فەرمی ڕای گەیاند كە ڕۆژی پێنجشەممە ٢٥ی ئاداری ٢٠٢١، دەست بە دابەشكردنی مووچەی مانگی (٣)ی فەرمانبەران دەكرێت بە هەمان میكانیزمی مانگی پێشوو.

بە بڵاوكردنەوەی ئەم راگەیاندراوەی وەزارەتی دارایی، هەواڵەكەی ماڵپەڕی فەرمیی یەكێتی بەدرۆ خرایەوە، بەبێ ئەوەی هیچ پۆزشێك بەرامبەر بە بڵاوكردنەوەی هەواڵی درۆ بهێنێتەوە.

Back to top button