لەگەڵ هەڕەشەکانی عەسایب لە شنگالیش پەکەکە هەڕەشە لە سوپای عێراق دەکا

((خۆر)) شاڵاو عەلی

هاوکات لەگەڵ هەڕەشەکانی عەسائیبی ئەهلی حەق لە دوو رۆژی رابردوو هێزێکی پەکەکە لە نێو شنگال کە 23 کەس بوون، بە جلوبەرگی مەدەنی خۆپیشاندانیان کردوە و هانی خەڵکیان داوە بۆ رژانە سەر شەقام دژی ئەو هێزانەی عێراق کە لەم دواییە چونەتە شارۆچکەکە، بەو هۆیەشەوە سەرجەمیان لەلایەن سوپای عێراقەوە دەستگیر کراون.

لە بەرامبەریدا پەکەکە هەڕەشەی لە هێزەکانی عێراق کردوە و داوای کردوە لە زووترین کات ئازادیان بکات، سوپای عێراقیش رەتیکردۆتەوە.

هەڕەشەکردنی پەکەکە لە هێزەکانی عێراق هاوکاتە لەگەڵ هەڕەشەی میلیشیاکانی عەسایب ئەهلی هەق لە حکوومەتی کازمی و هێزەکانی عێراق.

Back to top button