لە سایەی تاقمێكەوە سلێمانی دەبێتە شاری بێ سەروشوێنكردن.. پێشمەرگەیەكی ڕۆژهەڵاتی كوردستان بێ سەروشوێن كرا

پێشمەرگەیەکی کۆمەڵەی شۆڕشگێڕی زەحمەتکێشانی کوردستانی ئێران بە ناوی (سمکۆ بەنەفشی) كە تەمەنی ٣٥ ساڵە و خەڵکی سنەی رۆژهەڵاتی كوردستانە، لە رۆژی سێشەممە ١٣ی نیسانی ٢٠٢١ەوە لە شاری سلێمانی بێ سەروشوێن بووە. 

لەمبارەیەوە (هەنگاو) كە رێكخراوێكی تایبەت بە مافی مرۆڤی رۆژهەڵاتی كوردستانە، ئاشكرای كرد، سمكۆ بەنەفشی بە ئۆتۆمبێلێکی حزبی چۆتە دەرەوەی بنکەکانی حزبەكەی لە نزیک سلێمانی و دواتر بێ سەروشوێن بووە، ئەو ئۆتۆمبێلەشی کە پێی چۆتە دەرەوەی بنکەکانی کۆمەڵە، هەمان رۆژ لە نزیک بەنزینخانەیەكی دەوروبەری سلێمانی دۆزراوەتەوە و هیچ ئاسەوارێکی رووداوی هاتوچۆ یان رووداوێکی دیکەی پێوە نەبووە.

چاودێران پێیانوایە، لە سایەی تاقمە خۆفرۆشەكەی لاهوور جەنگی، سلێمانی بۆتە شاری مۆتەكە بۆ سیاسەتمەدار و چالاكوانان، ساڵی ڕابردووش هەر لە مانگی نیساندا تاقمەكەی لاهور بەندكراوێكی هەڵاتووی ڕۆژهەڵاتی كوردستانیان دەستگیر كرد بە ناوی مستەفا سەلیمی كە پەنای بۆ سلێمانی هێنابوو، رادەستی ئێرانیان كردەوە و لەسێدارە درا. 

لە ناوەڕاستی مانگی ٧ی ٢٠٢٠یش عەلی قایار، هاوسەرۆكی پارتی دیموكراتی گەلان (هەدەپە) لە شاری سێرتی باكووری كوردستان كە بۆ بازرگانیكردن لە سلێمانی بوو، بێسەروشوێن كرا و تاوەكوو ئێستا كەس نازانێت چی بەسەر هێندراوە و رادەستی كێ كراوەتەوە!

Back to top button