مانگی هەنگوینی ئێران و لاهور جەنگی تاڵەبانی كەی دەست پێدەكات؟ نیگەرانییەكانی بافڵ تاڵەبانی لەو بارەییەوە چین؟

(خۆر) زانیویەتی جموجۆڵ و چالاكی و تەنانەت وەڵامدانەوەی قوباد تاڵەبانی، لەلایەن لاهور جەنگی تاڵەبانییەوە بێ ئاگاداری ئێران نەبووە، بەپێی زانیارییەكان ئێران لە ڕێگەی (نوری مالكیەوە) خەریكی (غەزەلاندنی) لاهور جەنگیە.

ئێرانیەكان بۆ دەیانەوێت دووبارە لەگەڵ لاهور جەنگی تاڵەبانی پەیوەندی دابمەزرێنێتەوە؟

بەپێی بە دواداچوونەكانی (خۆر) ئێرانییەكان ترسیان لە مكوڕی ئەمریكیەكانە لەبارەی لێكۆڵینەوە لە كەیسی تیرۆركردنی عەقید هاوكار جاف، بەوپێیە ساغ ببێتەوە یەكێتیی نوێ كەتنەكەی ئەنجامداوە، دەچێتە لیستی تیرۆرەوە، پەیوەندی ئێران و سلێمانی دەپچڕێت، ئەمریكا دەبێتە هاوسنووری ئێران.
ئێستا ئێرانییەكان لە ڕێگەی مالكیەوە خەریكی دووبارە دروستكردنەوەی پەیوەندییە لەگەڵ لاهور جەنگی تاڵەبانی، بۆ ئەوەی لەكاتی ئاوتكردنی یەكێتیی نوێ ئێران پەیوەندییەكانی لەگەڵ سلێمانی نەپچڕێت.

بافڵ تاڵەبانی ئاگاداری ئەم پەرەسندنە نوێیە، لەگەڵ لاینەكانی چوارچێوەی هەماهەنگی نیگەرانی خۆی لەو بارەییەوە نەشاردوەتەوە، (خۆر) زانیویەتی بافڵ تاڵەبانی بەڵێنی بە لاینەكانی چوارچێوەی هەماهەنگی داوە كە دەتوانن متمانەی تەواو بە یەكێتیی نوێ بكەن بۆ پرسە سیاسیەكان بەتایبەتی لە پەرلەمانی عێڕاق دەتوانن فڕاكسیۆنی یەكێتیی وەك فڕاكسۆنی خۆیان بەكاربێنن.

Back to top button