هه‌ڵه‌بجه‌:ته‌نها له‌به‌ر ئه‌وه‌ی براكه‌ی وازی له‌ یه‌كێتی هێناوه‌ لاهوور به‌ڕێوه‌به‌ری گشتی شاره‌وانییه‌كانی له‌ پۆسته‌كه‌ی دورخسته‌وه

دڵنیا مه‌حموود به‌ ته‌له‌فۆنێك له‌ پۆسته‌كه‌ی دوور ده‌خرێته‌وه‌ به‌بێ ئاگاداری خۆی، له‌ شوێنه‌كه‌ی كه‌سێكی تر داده‌نرێت و فه‌رمانی وه‌زاری له‌ دوورخستنه‌وه‌ی پێشان نادرێت و ئاراسته‌ی كارگێڕی فه‌رمانگه‌كه‌ی ده‌كه‌ن.

دڵنیا مه‌حموود خوشكی ئه‌حمه‌د قه‌ده‌فه‌ری جێگری به‌رپرسی مه‌ڵبه‌ندی شاره‌زووری یه‌كێتی بووه‌، ئێسته‌ به‌هۆی ئه‌وه‌ی له‌ كۆنگره‌ نه‌بووه‌ به‌ ئه‌ندامی سه‌ركردایه‌تی، له ‌ماڵه‌وه‌ دانیشتووه‌ و كاری حزبی ناكات.

به‌ڕێوه‌به‌ری لابراوی گشتی شاره‌وانییه‌كانی هه‌ڵه‌بجه‌، ڕاگه‌یاند، به‌بێ ئاگاداری خۆم ته‌له‌فۆنێكم بۆ كرا و‌ پێیان گوتم له‌ پۆسته‌كه‌ت نه‌ماوی، ئه‌و پۆسته‌ پۆستێكی سیادییه،‌ به‌ڵام بۆ لابردنم له‌و پۆسته‌ له‌ ڕووی ئیدارییه‌وه‌ هیچ هۆكارێك نابینم.

زیاتر روونی ده‌كاته‌وه‌، ئه‌و ڕۆژه‌ی ته‌له‌فۆنم بۆ كرا و ئاگادار كرام له‌ پۆسته‌كه‌م دوور خراومه‌ته‌وه،‌ فه‌رمانی وه‌زاری ئه‌و به‌ڕێزه‌م بینی خراوه‌ته‌ شوێنی من، ته‌نانه‌ت به‌ منیشیان نه‌دا و ئاراسته‌ی كارگێڕییان كرد.

دڵنیا مه‌حموود له‌ وه‌ڵامی ئه‌و پرسیاره‌ی كه‌ به‌هۆی براكه‌یه‌وه‌ له‌ پۆسته‌كه‌ی دوور خراوه‌ته‌وه‌ ده‌ڵێ، ئێمه‌ هیچ كه‌موكوڕییه‌كمان نه‌بووه‌ به‌رانبه‌ر به‌ حزب و نیشتمان، خزمه‌تكاری وڵات بووین و خوێنمان بۆی داوه‌، من‌ سوێندی یاساییم خواردووه‌ و هه‌میشه‌ خزمه‌ت ده‌كه‌م، ده‌بێت ئه‌وانه‌ وه‌ڵامی پرسیاره‌كه‌ بده‌نه‌وه‌ كه‌ به‌بێ پرسی خۆمان له‌ پۆسته‌كه‌مان دووریان خستووینه‌ته‌وه‌.

Back to top button