هێزەكانی یەكێتیی شەڕی لاهور جەنگی تاڵەبانی دەكەن؟

بەكارهێنانی هێز بۆ یەكلایكردنەوەی ململانێ و ناكۆكیە سیاسەكان لە نێو یەكێتیدا پێشینەكی مێژووی دیاری هەیە، مەلا بەختیار لە كتێبی لەبری بیرەوەری دەڵێت: ئاڵای شۆڕش مەفرەزەیەكی جیانەكردەوە، دەزگای چاپی نەبوو، بارەگای نەبوو، ڕەوتێكی تازەو فۆرمیلەكراوی نهێنی بوو.
كەوتە بەر پەلاماردان وەك نێچیرێك كەوتبێتە ناو ڕەوێك پڵنگ، وینجڕ نجڕیان كرد، ئەو پەلاماردانە و هەڵمەتی ڕاگەیاندنە، قەبارەی ترسی یەكێتیی، بە تایبەت كۆمەڵەی بەرامبەر ململانێی ئایدۆلۆژی و سیاسی و كاریگەری خاوەن هەڵوێستەكان بەرامبەریان دەرخست.

شەهاب كەریم پێشمەرگەی دێرینی یەكێتیی كە بەمدوایانە كتێبێكی بەناوی (مێژوویەك لە لوولەی تەفەنگەوە) بڵاوكردەوە لە لاپەڕە 201 باس لە كوشتنی فەرماندەیەكی یەكێتیی دەكات تەنها لەسەر ئەوەی كتێبی بە دوو پێشمەرگەدا ناردبوو بۆ مەلا بەختیار تاوەكو لە زیندان كاتی پێبباتە سەر، ئەمە بووە هۆی گوللە بارانكردنی..

لە مێژووی نزیكیشدا دوای جیابوونەوەی نەوشیروان مستەفا لە یەكێتیی، چەندین جار لە لایەن یەكێتیەوە هەوڵدراوە هێرش بكرێتە سەر گردی زەرگەتە، دواینجار هەوڵی هێرشكردنە سەر گردەكە لە لایەن جەعفەر شێخ مستەفاوە بوو.

مێژووی یەكلایكردنەوەی ناكۆكیەكان بە زەبری چەك و هێز لە نێو یەكێتیدا ڕەگێكی قوڵی هەیە، پێدراوەكانی مێژوو پێمان دەڵێن ئەگەری هێرشی چەكداری بۆسەر لاهور جەنگی تاڵەبانی ئەگەرێكی كراوەیە لە هەر كات و ساتێكدا بێت ڕەنگە ڕووبدات، سەڕەڕای ئەوەی یەكێتیی لەناو چەندین پەیوەندی و هاوپەیمانێتیە لەگەڵ دەوڵەتە ئەوروپی نێونەتەوەییەكان بەڵام هێشتا یەكێتیی لە كاتی ناكۆكی نێو خۆیی چەك و هێز یەكەم بژاردەیە سەرەنەكوڵاوەكانی نێو مەنجەڵی یەكێتیی بیری لێدەكەنەوە و پەنای بۆ دەبەن.

Back to top button