وه‌زاره‌تا پێشمه‌رگه‌: مینێن په‌كه‌كێ مه‌ترسیێ ل سه‌ر ژیانا خه‌لكێ دەڤەرێت سنوری دروست دكه‌ن

پارتیا كاركه‌رێن كوردستانێ (په‌كه‌كه‌) ل سه‌ر سینوورێن هه‌رێما كوردستانێ، هژماره‌كا مه‌زن یا مینان داناینه‌ و ئه‌ڤ چه‌نده‌ ژی بوویه‌ گه‌ف و مه‌ترسی ل سه‌ر ژیانا وه‌لاتیان، ب تایبه‌تی خودانێن ره‌ز و باخان و ئه‌وێن بۆ گیایێن بوهارێ قه‌ستا چیا دكه‌ن، وه‌زاره‌تا پێشمه‌رگه‌ ل هه‌رێما كوردستانێ ژی داخواز ژ وه‌لاتیان دكه‌ت د هشیار بن ژ وان مینان.

عه‌مید (عوسمان ریشه‌) به‌رپرسێ ده‌زگه‌هێ ره‌وشه‌نبیری و هوشیاری ل وه‌زاره‌تا پێشمه‌رگه‌ ل هه‌رێما كوردستانێ گۆت” بۆ خه‌لكی رادگه‌هینین كو گه‌له‌ك ئاگه‌هداری مینێن چاندی یێن په‌كه‌كێ بن، چونكه‌ ل هه‌ر جهه‌كێ په‌كه‌كێ مین لێ دانابن، یێ بوویه‌ مه‌ترسیا مه‌زن ل سه‌ر ژیانا خه‌لكێ ئاسایی ئه‌وێن هاتنووچوونا وان سنووران دكه‌ن”.

دیاركر ژی” ژ ئه‌گه‌رێ وان مینان كو هژماره‌كا ئێكجار مه‌زن  هاتینه‌ دانان، چه‌ندین كه‌س یێن بووینه‌ قوربانی، یان یێن په‌ككه‌فتی بووین”.

به‌رپرسێ ده‌زگه‌هێ ره‌وشه‌نبیری و هوشیاری ل وه‌زاره‌تا پێشمه‌رگه‌ دووپاتی ل وێ چه‌ندێ ژی كر كو پشكه‌ك ژ وان مینان ل سنوورێ ئاڤه‌دانی و رێیا هاتنوچوونا خه‌لكی یێن هاتینه‌ دانان، له‌وما پێدڤیه‌ وه‌لاتی گه‌له‌ك د هشیار و ئاگه‌هداری خوه‌ و ئاژه‌لێن خوه‌ بن”.

Back to top button