وەزیری نەوتی عێراق هۆکاری دواکەوتنی هەناردەکردنی نەوتی هەرێم ئاشکرادەکات

وەزیری نەوتی عێراق سەبارەت بە هۆکاری دواکەوتنی هەناردەکردنی نەوتی هەرێم ڕایگەیاند، هۆکاری دواکەوتنی هەناردەکان بەهۆی کێشەی تەکنیکییەوەیە بووە بەم نزیکانە دەستپێدەکاتەوە.

حەیان عەبدولغەنی وەزیری نەوتی عێراق لە لێدوانێکدا بۆ میدیا عێراقییەکان ڕایگەیاند، هۆکاری دواکەوتنی نەوتی هەرێم بەهۆی کێشەی تەکنیکیی و بەرکەوتنی زیانە بەو بۆرییەی نەوتی هەرێم دەگوازێتەوە.

دەشڵێت، بۆری گواستنەوەی نەوتی هەرێم بۆ بەندەری جەیهان بەهۆی بومەلەرزەکەی تورکیاوە زیانی بەرکەوتووە و تورکیاش ڕاگرتنی نەوتی هەرێمی قۆستۆتەوە بۆ نۆژەنکردنەوەی بۆرییەکە.

ئەوەشی ڕونکردنەوە، کە وادەی دەستپێکردنەوەی هەناردەکان دیار نییە بەڵام بە وتەی وەزیری نەوت لە دوبارە هەناردەی نەوتی هەرێم نزیکبونەتەوە.

Back to top button