وەزیرێکی پێشوو  :حکوومەتی هەرێمی کوردستان سەرکەوتنی بەدەست هێنا لە دانوستانەکان

 

گۆڤەند سەرکەش-خۆر

 

وەزیرێكی پێشووی حكوومەتی ھەرێمی كوردستان، رێككەوتنی هەولێر و  بەغدا بە سەركەوتوو هەژمار دەكات و پێی وایە، گرنگترین دەستكەوتی ئەوە بووە نەهێشترا گوشارەكانی بەغدا سەربگرێت و هیچ دەسەڵاتێكی هەرێم رادەستی بەغدا نەكرا.

 

شێروان حەیدەری وەزیری پێشووی دادی حكومەتی ھەرێمی كوردستان، ڕادەگەیەنێت ”  دوای ئەوەی پڕۆژەیاسای بودجەی گشتی عێراق پەسەند كرا، دەچێتە سەرۆكایەتی كۆمار و دواتر لە رۆژنامەی وەقائیع بڵاو دەكرێتەوە، پێویستە لە ماوەی دوو مانگ وەزارەتی دارایی رێنوێنییەكان دەربكات بۆ خەرجكردنی بودجەكە، بەڵام بەھۆی ئەوەی دواكەوتووە، دوای تەواوبوونی رێكارەكان، وەزارەتی دارایی راستەوخۆ رێنوێنییەكان بۆ خەرجكردنی بودجە دەردەكات .”

 

چاودێرانی سیاسیش پێیان وایە ، سەرۆکی حکوومەتی هەرێمی کوردستان ڕێگەی نەدا نەیارانی کورد ، لەڕێگەی بودجە و ڕێکەوتنەوە ئیرادەی گەلی کورد بشکێنن و توانی ببێتە پارێزەری دەستکەوتەکانی کوردستان کەلەماوەی ساڵانی ڕابردوو بەدەست هێنراون ، لەمبارەوە ڕەقیب سیان چاودێری سیاسی بە (( خۆر ))ی ڕاگەیاند ” بەڕیز مەسرور بارزانی هەر لەسەرەتای دەستبەکاربونیەوە دەستی کردە جێ بەجێکردنی بەڵێنەکانی ، ڕێکەوتنی هەولێر و بەغدا کە بە خەیاڵ و خەون ناودەبرا بەهۆی ئەوەی کۆمەڵێک کەس خۆیان بۆ لایەنە نەیارەکانی کورد سوک و ڕیسوا کردبو ، پێیان وابو ئەوان نوێنەرایەتی کورد دەکەن بۆیە بەغدا ناکەوێتە ژێرباری ڕێکەوتن ، بەڵام بەهۆی سیاسەتە حەکیمانەکەی ڕێزدار مەسرور بارزانی ، ئەوەی کە خیانەتکاران لایان خەون ، هاتەدی “.

Back to top button