وەڵامێکی توندی ئەمینداری میلیشیاکانی سەید شوھەدا دەدرێتەوە

 

گۆڤەند سەرکەش-خۆر

گوتەبێژی عەشیرەتە عەرەبەکانی ناوچە کوردستانیەکانی دەرەوەی ئیدارەی ھەرێمی کوردستان وەڵامێکی توندی ئەمینداری میلیشیاکانی سەد شوھەدا دەداتەوە و ڕای دەگەیەنێت ” بە جیھادەوە لەگەڵ ئەمریکاییەکان کار بۆ ڕزگارکردنی عێڕاق دەکەین لە میلیشیاکانتان”.

موزاحم حوێت، گوتەبێژی عەشیرەتە عەرەبەکانی ناوچە کوردستانیەکانی دەرەوەی ئیدارەی ھەرێمی کوردستان وه‌ڵامی نامه‌یه‌كی ئه‌بو وه‌لاء ئه‌لوه‌لائی ئه‌مینداری كه‌تائیب سه‌یدولشوهه‌دائی سه‌ر به‌ حه‌شدی شه‌عبی دایه‌وه‌.
له‌ وه‌ڵامه‌كه‌یدا بۆ وه‌لائی، حوێت دووپاتیكرده‌وه‌، ئێمه‌ به‌ جیهاده‌وه‌ له‌گه‌ڵ لایه‌نی ئه‌مه‌ریكیی دۆستمان كار بۆ رزگاركردنی عێراق له‌ میلیشیا تاڵانچییه‌كانت ده‌كه‌ین.

هه‌وره‌ها پێی ده‌ڵێت: ئێمه‌ كار بۆ یارمه‌تیدانی كه‌سانی شه‌ره‌فمه‌ند له‌ پارێزگاكانی باشوور و ناوه‌ڕاستی وڵات ده‌كه‌ین، بۆ ئه‌وه‌ی له‌ تاوانه‌كانی ئێوه‌ و شه‌ڕانگێزی و سته‌مكارییه‌كانت رزگاریان بێت، ئێستا كاتی ئه‌وه‌یه‌ سنوورێك بۆ تاوانه‌ قیزه‌وه‌نه‌كانت دابنرێت.

له‌كۆتایی وه‌ڵامه‌كه‌شیدا حوێت ئه‌بو ئالاء ئه‌لوه‌لائی به‌ “سه‌گ” ناوی ده‌بات و پێی ده‌ڵێت: (سه‌رۆك مه‌سعود بارزانی تاجی سه‌ری تۆیه‌ هه‌ی سه‌گ).
ئه‌م وه‌ڵامه‌ی گوتەبێژی عەشیرەتە عەرەبەکان بۆ ئه‌مینداری كه‌تائیب سه‌یدولشوهه‌دائی سه‌ر به‌ حه‌شدی شه‌عبی دوای ئه‌وه‌ هاتوون، كه‌ وه‌لائی له‌ تویتێكدا نامه‌یه‌كی ئاراسته‌ی سه‌رۆك بارزانی كردبوو و تێیدا جه‌ختی كردبووه‌وه‌، “ئێمه‌ هه‌موو هه‌وڵێك ده‌ده‌ین كه‌ رێگری له‌ تێپه‌ڕاندنی پڕۆژه‌یاسای بودجه‌ بكه‌ین”.

Back to top button