پلەكانی گەرما بەشێوەیەكی بەرچاو نزم دەبنەوە

بەپێی پێشبینییەكانی كەشناسی نمەباران لە ناوچە جیاجیاكان و بەفر لە ناوچە شاخاوییەكان بەردەوام دەبێت و پلەكانی گەرماش بەشێوەیەكی بەرچاو دادەبەزن.
بەڕێوەبەرایەتی كەشناسی و لەمەرزەزانی هەرێم بڵاویكردووەتەوە، ئەمڕۆ دووشەممە ئاسمانی هەرێم بە گشتی هەور دەبێت و نمەباران لە زۆربەی ناوچەكانی هەرێم دەبارێت لە هەندێك كاتی جیا، بەفر لەناوچە شاخاویە بەرزەكان  لەكاتەكانی دوایی نیوەڕۆ بۆ ئێوارە دەبارێت، لەهەندێ ناوچە شێوازی دابارین بە تایبەت لە باشور و رۆژئاوای هەرێم بۆ تاوە باران و بروسكە دەگۆڕێت، نمە باران بەردەوامی دەبێت تاوەكو كاتەكانی بەیانی رۆژی سێ شەممە.
رونیشكراوەتەوە، هەروەها پلەكانی گەرما بەرزبوونەوەیەكی كەم یەك بۆ 2 پلە بەرز دەبێتەوە بە بەراوورد بە تۆماركراوەكانی رۆژی پێشتر.
سەبارەت بە كەشوهەوای رۆژی سێشەممە هاتووە، ئاسمان بەگ شتی هەور دەبێت لەگەل نمەباران لەزۆربەی ناوچەكانی هەرێم بەتایبەتی لەكاتەكانی دوای نیوەڕۆ، هەروەها بەفربارین لەناوچەشاخاویەكاندا دەبارێت و لەكاتەكانی درەنگدا رێژەی دابارین كەم دەبێتەوە، لەناوچە شاخاویەكان بەشێوەی نمەباران و بەفر بەردەوامی دەبێت و لەكاتەكانی بەیانی زوو ئەگەری بەرز بوونەوەی تۆز هەیە لە ناوچەكانی باشوورو ناوەڕاستی هەڕێم هەیە، پلەكانی گەرما بە شێوەیەكی بەرچاو  4 بۆ 5 پلەی سیلیزی نزم دەبنەوە.

Back to top button