په‌رله‌مانتارێك بۆ ئه‌حمه‌د حاجی ڕه‌شید : به‌چكه‌ لاهوور كاتێك كه‌ركووك تان فرۆشت چیتان ده‌ستكه‌وت

گۆڤەند سەرکەش-خۆر

ئەندامێکی پێشووی ئەنجومەنی نوێنەرانی عێڕاق وەڵامی ئەحمەدی حاجی ڕەشید دەداتەوە و لێی دەپرسێت کە ئایا لەسەر فرۆشتنی کەرکووک چیتان دەستکەوت.

نه‌دا مێرگه‌سۆرى، ئه‌ندامى پێشووى پەرلەمانی عێراق، راگەیاند، شاندی دانوستانكاری حكوومەتی هەرێمی كوردستان كە قوباد تاڵەبانی سەرۆكایەتی دەكرد، لەگەڵ حكوومەتی عێراق لەبارەی پڕۆژەیاسای بودجەی ٢٠٢١ی عێراق ڕێككەوتوون و هەموو ئامادەییەكیشیان دەربڕیوە، كەواتە با ئەحمەدی حاجی ڕەشید و هاوشێوەكانی لە جێگەی بڕ و بیانوو هێنانەوە و مامەحەمەیی بۆ بەغدا، دان بەوەدا بنێن كە ئەوە حكوومەتی عێراقە ئامادە نییە ڕێككەوتنی كۆتایی بكات.
جەختیشی كردەوە كە هەرێمی كوردستان بەو یەكە ئیدارییانەی ئێستا لە دەستووری عێراقدا وەك هەرێمێكی فیدڕاڵی دانی پێدانراوە و ”بە دوو قسەی ئەحمەدی حاجی ڕەشید دەستكاریی دەستوور ناكرێ و هەر یاسایەكیش دەربچێت لەمبارەیەوە، جێبەجێ ناكرێت چونكە پێشێلكارییەكی زەقی دەستوور دەبێت.
پرسیاری ئەوەشی لە ئەحمەدی حاجی رەشید كرد، ئەو كاتەی كەركووكیان ڕادەستی حەسەن پلایس و راكان جبووری كرد، بەڵێنیان دەدا كە سلێمانی راستەوخۆ بە بەغداوە دەبەستەوە و مووچەی بۆ دەنێردرێت، بەڵام چیان دەستكەوت؟ جگە لەوەی خۆیان زەلیل بوون و خەڵكی كەركووكیشیان خستە ژێر رەحمەتی میلیشیاكان و بەهۆیەوە پرۆسەی تەعریب دەستی پێكردەوە.
جەختیشی كردەوە كە ئەو بەغدایەی ئەحمەدی حاجی رەشید و پەرلەمانتارانی هاوشێوەی و دەستە و تاقمی خۆفرۆش خەونی پێوە دەبینن، تووشی داڕمانی ئابووریی سیاسی بۆته‌وه‌.
ئەم وەڵامەی پەرلەمانتار نەدا مێرگەسۆری دوای ئەوە دێت کە ئەحمەدی حاجی ڕەشید داوای کردوە گرووپە شیعەکان هاوکاریان بکەن لەوەی لە بودجەی ٢٠٢١ دا سلێمانی وەک پارێزگایەکی عێڕاقی ئەژمار بکرێت و جیابکرێتەوە لە هەرێمی کوردستان ، سەلمان سێبور یاسا ناس دەڵێت ” ئەم هەوڵەی گرووپی جاش پەرلەمانتاران نەزۆکە هاوشێوەی هەوڵی لاهور جەنگی بۆ وەرگرتنی پارە بەرامبەر بە فرۆشتنی کەرکوک ، چونکە سلێمانی بەپێی دەستور بەشێکی دانەبڕاوەی هەرێمی کوردستانە “.

Back to top button