پیلانگێڕییەكی خیانەتكارانەی تاقمێكی خۆفرۆشی نێو یەكێتی لە بەغداوە دژی هەرێمی كوردستان ئاشكرا دەبێت

ماوەیەكی زۆرە تاقمی خیانەتی ١٦ی ئۆكتۆبەری ٢٠١٧ی نێو یەكێتی هەموو هەوڵێكیان خستۆتە گەڕ بۆ ئەوەی بەهەر شێوەیەك بێت، زیان بە هەرێمی كوردستان بگەیەنن، بۆ ئەم كارەشیان سڵ لە هیچ ناكەنەوە و پەنا بۆ ئەوپەڕی ڕیسوایی دەبەن!

لەم ماوەیە شیعەكانی عێراق خەریكن یاسای دادگای فیدڕاڵی دەردەكەن، دەیانەوێ دادگاكە لە شوێنێكی دادوەریی دەستوورییەوە بگۆڕن بۆ دامەزراوەیەكی هاوشێوەی ئەنجوومەنی دیاریكردنی بەرژەوەندییەكانی كۆماری ئیسلامیی ئێران و عەمامەبەسەری شیعەی تێكەڵ بكەن!

یەكێتییەكان بە ئاشكرا پشتیوانی لەم شێوازە دەكەن و یوسف كیلابی، پەرلەمانتاری شیعەش بە فەرمی ئەمەی راگەیاندووە، بەم كارەش نەك هەر عەمامەبەسەری شیعە دەبن بە خاوەن بڕیار لە دادگای ئیتیحادیی عێراقی، بگرە مافی ڤیتۆكردنی هەر بڕیارێكیشیان دەبێت كە لە لایەن دادوەرەكانەوە دەردەكرێت!

یەكێتی لە بەرامبەر چیدا ئەمە دەكات؟ 

شیعەكان بۆ تێپەڕاندنی ئەم یاسایە ئامادەییەكی زۆریان تێدایە كە سازش لەسەر زۆر شت بكەن، هەرێمی كوردستانیش دەمێكە پێویستی بەوەیە عێراق لە باری لاوازیدا هەندێك تەنازولی بۆ بكات و هەندێك داواكاریی هەرێم جێبەجێ بكات تاوەكوو ئەم قۆناغە تێپەڕ دەبێت! كەچی یەكێتی كە ئێستا ڕیشی خۆی داوەتە دەست ئاڵا ئەسەدی، سووك و سانا و بێ هیچ مەرجێك چۆتە ژێر باڵی عەرەبە شیعەكانەوە.

بەپێی زانیارییەكان، تاقمە خۆفرۆشەكەی یەكێتی لەگەڵ شیعەكان ڕێككەوتوون لەسەر ئەوەی، دەنگ بە یاسای دادگای فیدڕاڵی بدەن، لە بەرامبەریشدا ئەوان لەگەڵ حكوومەتی هەرێمی كوردستان ڕێك نەكەون لەسەر یاسای بودجە، چونكە وایدەبینن ئەگەر دۆخی ئابووریی هەرێمی كوردستان خراپ بێت، بازاڕی موزایەدەكردنی ئەوانیش بەهێز دەبێت، ئەمەش پیلانێكی دیكەی خیانەتكارانەیە لە هەرێمی كوردستان!

Back to top button