چی بەسەر جەستەدا دێت ئەگەر شیر بكەیتە ناو قاوەكەت؟

 

لەگەڵ ئەوەی هەندێك حەز بە خواردنەوەی قاوە دەكەن بێ هیچ تامێكی دیكە، بەڵام كەسانێك هەن حەز دەكەن شیر تێكەڵی قاوەكانیان بكەن، بەڵام ئەم كارە لەروی تەندروستییەوە چ كاریگەرییەكی هەیە.

بە پێی توێژینەوەیەكی ئەڵمانی- دانیماركی، تێكەڵكردنی شیر و قاوە، یارمەتی جەستە دەدات كە دژی هەوكردن بەرگری پەیدابكات، كە ئەو هەوكردنە هۆكارە بۆ توشبون بە نەخۆشییەكانی ئەلزەهایمەر و شەكرەی جۆری دوەم.

بە پێی توێژەرانی ئەو توێژینەوەیە كە لە زانكۆی كۆپنهاگن لە دانیمارك و زانكۆی تەكنیكی لە ئەڵمانیا ئەنجامدراوە، زیادكردنی بڕێكی كەم لە شیر بۆ ناو قاوە باشترین هەڵبژاردنە، چونكە قاوە ماددەی پۆلیفینۆڵزی تێدایە، كە دژە ئۆسكانە و خانەكانی جەستە دەپارێزێت، هەروەها شیر ئامینۆ ئەسیدی تێدایە، كە رۆڵی دژە هەوكردن دەبینێت، تێكەڵكردنی هەردوكیان پێكەوە جەستە لە هەوكردن دەپارێزێت.

هەروەها لەو توێژینەوەیەش ئەوەی ئاشكراكراوە، شیر و قاوە سودەكانی دو هێندەن بۆ رێگریكردن لە هەوكردنی خانەكانی بەرگری جەستە، ئەمەش جەستە دەپارێزێت لە نەخۆشییەكانی ئەلزەهایمەر، پاركینسن، شەكرەی جۆری دووەم.

Back to top button