ڕێبوار حامیدی حاجی غالی: سلێمانی وەک سەردەمی ملازم موحسین هەر ڕۆژەو هێزێک گەمارۆی گەڕەكێكی دەدا

فەرماندەیەكی سەربازیی نزیک لە لاهوور جەنگی تاڵەبانی، هاوسەرۆکی یەکێتیی نیشتمانیی کوردستان، سەبارەت بە دۆخی ئێستا سلێمانی، لە پۆستێکیدا لە تۆڕی کۆمەڵایەتیی (فەیسبووک)، دەڵێت: ”سلێمانی وەک سەردەمی ملازم موحسین، هەر ڕۆژە و هێزێک گەمارۆی گەڕەكێكی دەدات، کەسێک دڵسۆزی یەکێتی و شەهیدان بێت، پشتیوانی لەو تاقمە ناکات، کە بکوژی موارد کانی کوردەیی و هاوکار جاف بن.”

ڕێبوار حامی حاجی غالی، فەرماندەی نزیک لە لاهوور جەنگی تاڵەبانی، نووسیویەتی: ”کەسێک دڵسۆزی یەکێتی و شەهیدان بێت، پشتیوانی لەو تاقمە ناکات کە ئەو کارانەیان کردبێت، شەهیدكردنی كاكە موراد و سێ هاوڕێی، شەهیدكردنی برامان هاوكار جاف بە شێوازێكی دڕندانە، چوونە سەر ماڵی كەسە دڵسۆز و شۆڕشگێڕەكان و داگیركردنی ماڵ و موڵكیان بەبێ هۆكار، هەڵكوتانە سەر بازرگان و سەرانەسەندن و نەهێشتنی هەلی كار لە شارەكەدا، دزینی پارەی بانك و خاڵە سنوورییەكان.”

ئاماژەی بەوەش داوە، کە سلێمانی وەك سەردەمی ملازم موحسین، هەر ڕۆژە و هێزی سەربازی گەمارۆی گەڕەكێكی دەدات. دەڵێت: ”هێنانی ماددەی هۆشبەر لەلایەن هێزە ئەمنییەكانەوە و فرۆشتنی بە خوشك و برا و منداڵەكانمان، داهاتوویەكی باشی نابێت، بۆیە هەریەك لە ئێمە، لە هەر پلە و پۆستێكدا بین و هاووڵاتییانیش، نابێت بهێڵین ئەم هەڵە مێژووییانە بەسەر حزب و ناوچەكەمان تێپەڕێت و ژیانی هاونیشتمانییان زیاتر قورس بێت.”

Back to top button