15هەمین پێشانگای نێودەوڵەتیی کتێب لە هەولێر دەکرێتەوە

15هەمین پێشانگای نێودەوڵەتیی کتێب بە بەشداریی سەرۆک بارزانی لە هەولێر بکرێتەوە، کە چەندین دەزگای چاپ و بڵاوکردنەوەی کوردی و عەرەبی و بیانی بەشداریی تێدا دەکەن.

سەرچاوەیەکی ئاگادار لە پێشانگای نێودەوڵەتیی هەولێر ڕایگەیاند: ”سبەی لە پارێزگای هەولێر 15هەمین پێشانگای نێودەوڵەتیی کتێب بە بەشداریی سەرۆک بارزانی دەکرێتەوە، چونکە تا ئێستا سەرۆک بارزانی لە هەموو پێشانگاکانی کتێبدا بەشداریی کردووە.”

سەرچاوەکە گوتیشی: پێشانگاکە لە کاتژمێری 10ی بەیانی تاوەکوو ئێوارە بۆ ماوەی 10 ڕۆژ لە 8/3 تاوەکوو 18/3 بەردەوام دەبێت .

پێشانگاکە لە شوێنی پێشانگا نێودەوڵەتییەکان لە پارکی سامی عەبدولرەحمان لە هەولێر بە بەشداریی ژمارەیەکی بەرچاو لە دەزگاکانی چاپ و بڵاوکردنەوەی کوردی و عەرەبی و بیانی دەکرێتەوە.

 

Back to top button