234 کەس لە سوودانەوە گەڕێنرانەوە عێراق

گوتەبێژی وەزارەتی دەرەوەی عێراق ڕایگەیاند، 234 کەس لە سوودانەوە گەڕێنرانەوە عێراق.

ئەمڕۆ پێنجشەممە 27ـی 04ـی 2023 ئەحمەد سەحاف، گوتەبێژی وەزارەتی دەرەوە گەیشتنی دوو فڕۆكەی بۆ گەڕاندنەوەی ڕەوەندی عێراقی لە سوودانەوە بۆ فڕۆكەخانەی نێودەوڵەتیی بەغداد ڕاگەیاند.

ڕاشیگەیاند: ئەو دوو فڕۆكەیەی كە هاووڵاتییە عێراقییەكانی لە فڕۆكەخانەی بورتسوودانەوە گواستبووەوە، بە ماوەیەكی كەم گەیشتنە فڕۆكەخانەی نێودەوڵەتیی بەغدا.

گوتەبێژی وەزارەتی دەرەوەی عێراق ئاماژەی بەوەش داوە کە ئەو دوو فڕۆكەیە بە 234 سەرنشینەوە فڕیوە كە 16 كەسیان هاووڵاتیی سووری بوون.

Back to top button