حکوومەتی عێراق لە ژێر هەڕەشەی میلیشیاکاندا دەستەوەستانە

((خۆر))-هۆشیار عەلی

دژە تیرۆری عێراق لەژێر هەڕەشە دەستگیركراوە سەرەكیەکەی عەسائیبی ئەهلی حەقی، رادەستی ئاسایشی حەشد کرد.

بەڕێوەبەرایەتیی هەواڵگری و دژەتیرۆری عیراق لە نوسراوێكدا ئاشكرایكردووە، ئەو دەستگیركراوەی، كە سەر بە عەسائیبی ئەهلی حەق بوو و لەلایەن هێزەكانیانەوە دەستگیركرابوو، رادەستی ئاسایشی حەشدی شەعبی كراوەتەوە، ئەمەش دوای ئەوەی لەگەڵ گروپەكە لەسەر ئەو هەنگاوە رێككەوتوون، بۆیە ئەو ئەندامانەی عەسائیب، كە دەستیان بە گردبوونەوە كردبوو، كۆتاییان بە گردبونەوەكەیان هێناوە.
شەوی هەینی لەسەر شەممە، دوای ئەوەی هێزەكانی دژەتیرۆری عیراق، لە بەغدا، سەركردەیەكی  عەسائیبی ئەهلی حەقیان دەستگیركرد، بەتۆمەتی ئەوەی دەستی هەیە لە هێرشە موشەكییەكاندا بۆسەر ناوچەی سەوز، ئەوەش نارەزایەتیی گروپەكەی لێكەوتەوە و ژمارەیەك لە ئەندامەكانی گروبوونەوەیان ئەنجامدا، ئەگەری دروستبوونی گرژی و ئاڵۆزی لەگەڵ هێزە ئەمنییەكاندا هەبوو، پێدەچێت رادەستكردنی دەستگیركراوەكەی عەسائیب بە حەشدی شەعبی، ئەگەری پێكدادانی دوورخستبێتەوە.

Back to top button