لاهور لە ترسی دادگاکانی دەرەوە هەڵنەهاتووە و بە دڵسۆزی بەسەر یەکێتیەکاندا فرۆشتیەوە!

 

بافڵ تاڵەبانی ئاشکرای کرد کە ئەو داوای چوونە دەرەوەی لە لاهور نەکردوە، بەڵکو ئەندامانی سەرکردایەتی ئەوەیان بە باشتر زانیوە، لە راستیدا لاهور خۆی ترسی زیاتری لە دادگاکانی دەرەوە بەتایبەتی بریتانیا هەیە، چونکە خۆشی و (بافڵ تاڵەبانی) یش رەگەزنامەی بریتانیایان هەیە، کەوابێت بافڵ زۆر بە ئاسانی دەتوانێ لاهور لە هەر شوێنێکی دونیابێت لە ڕێگەی (پۆلیسی ئینتەرپول)ەوە راپێچی دادگایی بکات.
لاهور ترسی گەورەی لە دادگاکانی دەرەوە هەیە بەتایبەتی وڵاتانی ئەوروپا و ئەمریکا و بریتانیا، چونکە ئەو دۆسیانەی بەدەستی بافڵ تاڵەبانیەوەیە، لاهور دەکەن بە مافیایەکی گەورە و حوکمەکەی بەلایەنی کەم تا هەتایە دەبێت، بەوەش کۆتایی بە تەمەنی دێت و ئەگەر لە زیندان بێتە دەرەوەش بەر هەر عەفویەک بکەوێ، ئەوە دەبێتە پیرێکی خەڵەفاو خزمەتی خۆی پێ ناکرێت،نەک سیاسەت، لەبەرئەوە بەهەموو شێوەیەک لاهور چاوی لەوەیە لە ڕێگەی سوڵحی عەشایری چارەسەری کێشەکانی لەگەڵ بافڵ بکات، لاهور مەمنونە لێیبگەڕێن بە بێدەنگی بۆخۆی لە سلێمانی بژێت، چونکە دەزانێ لە دەرەوەی سلێمانی شوێنی هەر زیندانە، مەگەر تەنیا بچێتە باوەشی جەمیل بایک، یان حەسەن پلایز، ئەوەش زۆر خراپترە لە زیندانەکانی ئەوروپا و بریتانیا، بەڵام لاهور هات ئەوەشی بە دڵسۆزی بۆ یەکێتیەکان نیشاندا کە نایەوێ کوردستان بەجێبهێڵێت، بۆ لە خشتەبردنی گەمژەکانی یەکێتی ئەوەی بە دڵسۆزی بەسەریاندا فرۆشتیەوە.

پۆلیسی ئینتەرپول چیە؟
(ئینتەرپول) یاخود (پۆلیسی نێودەوڵەتی – Interpol) كورتكراوەی وشەی (International Police)ـە، ناوی تەواوی ڕێكخراوی پۆلیسی تاوانی نێودەوڵەتییە (International Criminal Police Organization) و گەورەترین ڕێكخراوی پۆلیسی جیهانییە.
ئینتەرپول (97) ساڵ پێش ئێستا و لە (20ـی نیسانی 1923) پێكهات، پێكهاتوە لە هێزی پۆلیسی (194) وڵات. ڕێكخراوی پۆلیسی نێودەوڵەتی چەند ئەركێكی بنچینەیی هەیە:
– ئاڵوگۆڕی زانیاری لە نێوان وڵاتانی ئەندام لە بارەی كاری تاوانی نێودەوڵەتیی.
– هەماهەنگی لە نێوان وڵاتانی ئەندامی ڕێكخراوەكە بۆ بەرەنگاربونەوەی تاوانی نێودەوڵەتیی، بۆ نمونە: (ساختەكاری، بەتاڵانبردن، پرۆسەی كڕین و فرۆشتنی چەك بەشێوەی نایاسایی).
– فەراهەمكردنی دڵنیایی و برەودان بە هەماهەنگی نێوان پۆلیسی هەمو وڵاتانی بەشدار لە فراوانترین پانتایی و لەچوارچێوەی یاسا بەركارەكان لەو وڵاتانە و لەبەر ڕۆشنایی جاڕنامەی جیهانی مافەكانی مرۆڤ.
– دامەزراندن و گەشەپێدانی كاری هەمو ئەو دامەزراوانەی كە بەشدارن لە بڵاوكردنەوەی هۆشیاری دەربارەی (تاوان لە یاسای گشتیی)، هەروەها ئاشكراكردن و بەرەنگاربونەوە و قەدەغەكردنی تاوانی نێودەوڵەتیی و پشتیوانیكردن لە هەوڵەكانی پۆلیس لەڕوبەڕوبونەوەی ئەو تاوانانەی لە دەرەوەی سنوری وڵاتان ئەنجام دەدرێت.
ڕێكخراوی پۆلیسی نێودەوڵەتیی سەر بە كۆمەڵەیەكی گشتییە، لە (12) ئەندام پێكدێت و هەر ئەندامێك یەك دەنگی لە كاتی دەنگدان هەیە و كۆمەڵەكە سەرۆك و لیژنەی جێبەجێكاری ڕێكخراوەكە هەڵدەبژێرێت. هەمو ئەندامانی نێو ڕێكخراوەكەش (تۆماری تاوانە نێودەوڵەتییەكان)ـیان لە لایە، لە بابەتی ڕاهێنان و كاری ڕاوێژكاری هاوكاری یەكتری دەكەن.
بنكەی هەمیشەیی ڕێكخراوەكە لەشاری (لیۆن) ـی فەرەنسایە كە (250) كارمەند كاری تێدا دەكەن، هەرچی بارەگای سەرەكی ڕێكخراوەكەشە دەكەوێتە شاری (ڤیەنا) لە نەمسا.
(ڕێكخراوی پۆلیسی نێودەوڵەتی) كە ئامانجی سەرەكی بەرەنگاربونەوەی تاوانی نێودەوڵەتییە، زۆربەی ئەندامەكانی لە وڵاتە ئەورپییەكان پێكهاتووە، لە ساڵی (1946) پەیكەری ڕێكخراوەكە ڕێكخرایەوە، پاشان گواسترایەوە بۆ شاری لیۆنی فەرەنسا، لە ساڵی (1956)دا؛ ژمارەی ئەندامەكانی گەیشتە (50) ئەندام و ناوی (ئینتەرپۆل)ـی وەرگرت.
گرنگترین ئەو تاوانانەی كە ئەم ڕێكخراوە بەرەنگاریان دەبێتەوە: (ڕێكخراوە تیرۆریستیییەكان، مادەی هۆشبەر، تاوانی دارایی پەیوەست بەتەكنەلۆجیای پێشكەوتو، تێكدانی ئاسایشی گشتیی، تیرۆر، بازرگانی بەمرۆڤ و دەستگیركردنی هەڵاتوانی دەستی دادپەروەری).
ئەنجامدانی كارەكان لە (ڕێكخراوی پۆلیسی نێودەوڵەتیی) بە شێوەیەكی ڕاستەوخۆ لە نێوان نوسینگەكانی ڕێكخراوەكە یان لە ڕێگەی ئەمینداریەتی گشتیی ڕێكخراوی ئینتەرپول دەبێت. لە دیارترین ئەو بوارانەش كە لەو دوو ڕێگەیەوە مامەڵەیان لەگەڵ دەكرێت (ئاڵوگۆڕی زانیاری تاوانكاری جۆراوجۆر، گرتن و ڕادەستكردنی تاونباران بەپێی ڕێككەوتنامەی لێكتێگەیشتنی نێوان وڵاتان، ئاڵوگۆڕی ئەزمون و شارەزایی لە زۆر بواری كاركردن دا.. هتد)

Back to top button